आस्थापना व मानव विकास

“छत्रपती शाहू महाराज संशोधन, प्रशिक्षण व मानव विकास संस्था (सारथी), पुणे” या कंपनीचे दिनांक 25 जून, 2018 रोजी कंपनी अधिनियम 2013 च्या कलम 8 अन्वये नोंदणी करण्यात आली आहे. मराठा, कुणबी, कुणबी-मराठा व मराठा-कुणबी या लक्षित गटाच्या शैक्षणिक, आर्थिक व सामाजिक उन्नतीसाठी या कंपनीची महाराष्ट्र शासनाने स्थापना केली असून ही संस्था दिनांक 11/02/2019 रोजी पासून कार्यान्वित झाली आहे.

“छत्रपती शाहू महाराज संशोधन, प्रशिक्षण व मानव विकास संस्था (सारथी), पुणे” या कंपनीच्या Memorandum of Association व Article of Association प्रमाणे जबाबदारी पार पडण्याकरिता त्वरित आवश्यक व्यवस्था होण्याकरिता “निबंधक” व “लेखाधिकारी” ही पदे सामाजिक न्याय व विशेष सहाय्य विभाग यांच्या दिनांक 15/11/2018 च्या शासन निर्णयान्वये तसेच “व्यवस्थापकीय संचालक” हे पद सामाजिक न्याय व विशेष सहाय्य विभाग यांच्या दिनांक 01/01/2019 च्या शासन निर्णयान्वये मंजूर करण्यात आले आहे.

“छत्रपती शाहू महाराज संशोधन, प्रशिक्षण व मानव विकास संस्था (सारथी), पुणे” मार्फत मराठा, कुणबी, कुणबी-मराठा व मराठा-कुणबी या प्रवर्गाच्या आर्थिक, सामाजिक व शैक्षणिक विकासासाठी विविध कल्याणकारी योजनांची कालबद्ध तऱ्हेने व प्रभावीपणे अंमलबजावणी होण्यासाठी आवश्यक अधिकारी व कर्मचारीवृंद मिळून 41 पदे निर्माण करण्यास वित्त विभाग अधिनस्त “उच्चाधिकार सचिवसमिती” कडून मान्यता देण्यात आली. त्याअनुषंगाने “छत्रपती शाहू महाराज संशोधन, प्रशिक्षण व मानव विकास संस्था (सारथी), पुणे” या कंपनीसाठी 41 नवीन पदे निर्माण करण्यास नियोजन विभागाच्या दिनांक 04/05/2021 च्या शासन निर्णयाद्वारे मान्यता देण्यात आली आहे.

नियमित पदे

बाह्ययंत्रणेमार्फत घ्यावयाच्या सेवा